آذربایجانون بیر گوزل و اؤره گه سینن شعرلریندن بیری آیرلیق شعری دیر. چوخلی بو شعری اوخیبلار . انلاردان بیری ده اذربایجان اولکوسونون گنجه اوخیانی سامی یوسیف دیر.
آلتدا اونون اوخوموش گورونتوسی و شعرون اوزی گلیبدیر.
آیـرئــلئــق
فیکریندن گئجه لر یاتا بیلمیرم *****************بو فیکری باشیمدان آتا بیلمیرم
دئییرم چون سنه چاتا بیلمیرم
آیرئلئق، آیرئلئق، آمان آیرئلئق
هر بیر دردن اولار یامان آیرئلئق
اوزوندور هیجرینده قارا گئجه لر***************** بیلمیرم من گئدیم هارا گئجه لر
ووروبدور قلبیمه یارا گئجه لر
آیرئلئق، آیرئلئق، آمان آیرئلئق
هر بیر دردن اولار یامان آیرئلئق
یادیما دوشنده آلا گوزلرین *****************گویده اولدوزلاردان آلام خبرین
نئیله ییم کسیبدیر مندن نظرین
آیرئلئق، آیرئلئق، آمان آیرئلئق
هر بیر دردن اولار یامان آیرئلئق
آیرئلئق دردینی چکمه ین بیلمز *****************یاردان آیری دوشن گوز یاشین سیلمز
دئییرلر اینتظار خسته سی اولمز
آیرئلئق، آیرئلئق، آمان آیرئلئق
هر بیر دردن اولار یامان آیرئلئق
نئجه کی ائلیمدن آیرئ دوشندن *****************سورار بیربیرینی گوروب بیلندن
حسرتله سیزلار یار داییم بو غمدن
آیرئلئق، آیرئلئق، آمان آیرئلئق
هر بیر دردن اولار یامان آیرئلئق
ایل لردی اوزاقام آرخام ائلیم دن *****************بلبلم دوشموشم آیری گولوم دن
جور ایله آییریب شیرین دلیم دن
آیرئلئق، آیرئلئق، آمان آیرئلئق
هر بیر دردن اولار یامان آیرئلئق
اوولوبدور بیگانه یاریم، یولداشیم***************** غریبه ساییلیر سئوگیم – سیرداشیم
بوجاوان چاقیمدا آغاردیب باشیم
آیرئلئق، آیرئلئق، آمان آیرئلئق
هر بیر دردن اولار یامان آیرئلئق
منی آغلاداندان گولوش ایسته رم***************** آیری دوشنیمله گوروش ایسته رم
حصاری ییخماقا یوروش ایسته رم
آیرئلئق، آیرئلئق، آمان آیرئلئق
هر بیر دردن اولار یامان آیرئلئق
سئوگیلیک اولوبدور شانی فرهادین***************** سئوگی سی هاردادیر ،هانی فرهادین
دییه ره ک چیخاجاق جانی فرهادین
آیرئلئق، آیرئلئق، آمان آیرئلئق
هر بیر دردن اولار یامان آیرئلئق
اوستاد علی سلیمی
